Lady time

  النهاردة هكتب اسهل طريقة لعمل الكيكه العادية الساده بطريقة سهلة و مضمونة . المقادير   كوب لبن وممكن نستبدله بكان سبرايت كوب سكر  2 كوب دقيق  نص كوب زيت  4 بيضات  كيس فانيليا  كيس بيكنج بودر  معلقة خل صغيرة الطريقة   هنجيب بوله غويطة و نحط فيها البيض و معلقة الخل مع الفانيليا و نضربهم كويس بالمضرب الكهربائى و بعدين نضيف السكر و نضربهم سوا لغاية ما نحس ان السكر كله داب و بعدين نضيف اللبن و الزيت و نخلطهم كويس لغاية لما يتجانسوا سوا و نضيف عليهم الدقيق بالبيكنج بودر بطريقة تدريجية و نضربهم لمدة 10 دقايق تقريبا او حتى تمام التجانس . هنجيب صينيه متوسطه و ندهنها سمنه او زيت و دقيق و نحط فيها الخليط و ندخلهم الفرن لمدة نص ساعة على درجة حرارة 180 . علشان نعرف الكيكه استوت ولا لسه بنجيب سكينه ناشفة و نحطها فى نص الكيكه لو طلعت نضيفة يبقى الكيكه استوت لو طلع فيها باقى من العجين  يبقى لسه و نصبر عليها وبالهنا و الشفا .

 تربية الأبناء حاجة صعبة جدا خصوصا فى الزمن ده و وسط التحديات اللى بيصنعها التطور التكنولوجى يمكن ده بيكون أصعب إمتحان للإنسان ، إنه ازاى يقدر يطلع إنسان سوى نفسيا يقدر يفيد أهله و مجتمعه و بلده ، ازاى يقدر يطلع إنسان متدين عارف نفسه و عقيدته و قيمه . لازم كل أتنين مقبلين على خطوة الإنجاب يكونوا الأول واثقين انهم قد الخطوة دى علشان ميطلعوش جيل مشوه بيضر نفسه و غيره . اساسيات تربية الأبناء  1ّ. الاطلاع و القراءة : لازم كل زوج و زوجة مقبلين على الإنجاب يبحثوا و يطلعوا على كيفية تربية الابناء تربية و يتعلموا طرق و أساليب التربية الصحيحة علشان يطلعوا طفل سوى نفسيا .  2. القدوة : خليك عارف ان انت القدوة ليهم زى ما بتعمل هيعموا هما مراية أفعالك ، مينفعش تقوله قوم صلى وهو شايفك مش بتصلى مينفعش تقوليله التجسس حرام وهو شايفك بتتصنتى على الجيران ، انت المثال الأول ليهم . 3. الغضب :  إياك و إستخدام الطفل كوسيلة لخروج مشاعر الغضب اللى جواك هو مش مسئول عن المشاكل اللى بتمر بيها او عن ضغوطات الشغل و مديرك المستفز ، هو مجرد طفل صغير لا حول له ولا قوة راعى ربنا فيه و أفصل بينه و بين...

 اتكلمنا المرة الاول فى ازاى تكسبى قلب حبيبك عن الغريزة و التقدير و الاستقلاليه و الثقة بالنفس و الاخلاص و الاخلاق و الرومانسية و الحنية و الفرفشة و هنكمل هنا باقى النقاط عن الحاجات اللى الراجل بيحبها فى الست . لينك الموضوع الجزء الاول هنا   10. الدلع : اتدلعى انتى عليه بدل ما السكرتيرة هى اللى تدلع عليه            الرجالة بتعشق الست الدلوعة بس طبعا مش دلع مصطنع لا دلع طبيعي و للمرة المليون هو مش عايز يرتبط بواحد صاحبة حسسيه بأنوثتك و جمالك . 11. متدلقيش و متزنيش : الراجل بطبيعته مش بيحب الحاجة السهلة و لما بتكون الحاجة سهلة بيمل منها بسرعة و يبعد عنها يعنى لو فضلتى كل شوية تتصلى و تزنى و تدلقى عليه هيمل و يبعد ولو اتصلتى مرة و عشرة لا و سيبتيه هو اللى يتصل و يدور عليكي هتلاقيه متمسك بيكي ، الراجل بيحب الست التقيلة . 12. الاحترام :  الراجل بيحب الست تحترمه جدا قدام الناس ، حاولى على قد ما تقدرى متقليليش منه قدام حد حتى لو على سبيل الهزار و الضحك وزى ما ستات زمان قالوا (إديله برستيجه قدام الناس و فى البيت اسحبيه منه تانى ) 13. أهتمى بإهتماماته...

ازاى تخلى جوزك او خطيبك بيحبك جدا او بمعنى اوضح ازاى تكسبي قلبة و عقلة و تخليه ميروحش لغيرك . سيبك من منطق مع السلامة للى عايز يمشى ده لان الراجل لو اتساب هيتجاب خلينا نفكر بتفكير الستات زمان اللى كانوا بيعرفوا يظبطوا بيتهم و يحافظوا على حياتهم و نسعى سوا اننا نقلل نسب الطلاق . و علشان نقدر نخلى الراجل يحبنا لازم نفكر بتفكيرة و نشوف هو بيحب ايه و بيكره ايه علشان كدا لازم نجاوب على السؤال ده . ليه الراجل بيحب الست ؟  1. الغريزة : الراجل كائن بدائي جدا وأكتر حاجة بتحركه هى غريزته بيتشد للشكل فى المقام الاول علشان كدا لازم انت كبنت او ست تهتمى بنفسك مش شرط لبس ضيق و ميك أب لكن يبقى شكلك منسق و نضيف مش ماشية مهملة فى نفسك . 2. التقدير :  الراجل بيحب يحس بقيمته يعنى بيحب ديما يحس انه عمل إنجاز علشان كدا من طرق كسب الراجل انك تقديره تمدحى الحاجات الكويسة فيه و تحسسيه بإنجازه حتى لو عمل حاجة بسيطة ، يعنى مثلا لو شال حاجة تقبله مكانك او جاب حاجة وهو راجع البيت حسسيه انه عمل حاجة كويسة و يستاهل الشكر عليها مش عادى و ايه يعنى ما الرجاله كلها بتعمل كدا. 3. الاستقلالية :  الراجل بيحب...

كل أم بتبقى عايزة تنمي مهارات ابنها و تزيد من ذكائه علشان كدا لازم نهتم بكل تفاصيل حياة الطفل لان اللى بيتحكم فى ذكاء الطفل عاملين اساسين  أول حاجة عامل الجينات الوراثية وده مش هنقدر نتحكم أو نتدخل فيه  تانى حاجة عامل البيئة المحيطة بالطفل واللى هى كل حاجة بيتعرض ليها الطفل و طريقة التغذية الخاصة بيه علشان كدا هنتكلم فى كل حاجة تقدر تساعدنا علشان ننمى ذكاء و مهارات أطفالنا .  التغذية و ذكاء الطفل  التغذية بتلعب دور أساسي فى نمو الطفل و زيادة ذكاء الأطفال وده بيبان بين الاطفال و بعضهم يعنى هنلاخظ ان الاطفال اللى بيتغذوا بطريقة صحيحة و بيتبعوا نظام غذائى صحى ذكائهم و قدراتهم الإبداعية اكتر من الاطفال اللى نظامهم الغذائى غير صحى و بيعتمدوا على الوجبات السريعة و المواد الحافظة . 1. فترة الحمل : من أول الحمل ولازم الأم تاكل طعام صحى و تتبع نظام غذائي جيد علشان تمد جسمها و الطفل بالعناصر الغذائية و الفيتامينات والمعادن اللى بتساعد على نمو الطفل و تاخد الفيتامينات الموصى بها من الطبيب زى الفوليك اسيد اللى بيساعد على تقوية الاعصاب للطفل لتنميه المخ و زيادة الذكاء. 2. لبن الس...

علشان احنا بنحب نغير فى الاكل او بمعنى أصح نوفر شوية جبتلكم 15 أكله مش هنحتاج فيهم فراخ أو لحمه أو سمكه كنوع من انواع التغيير و التوفير فى نفس الوقت . الكشرى  : وده هنحتاج فيه مكرونة صغيرة و اسبجتى و رز و شعرية و عدس بجبه و حمص و دقة وشطه ودى واجبه كمله متكامله مش هنحتاج جنبها اى حاجة وممكن نحمر جنبها شوية عيش كمان علشان لما نتلسع من الشطه ناكل من العيش . البصارة :  مقادرها سهلة و بسيطه هنجيب فول مدشوش و بصل و توم و طماطم و شبت و كزبرة و ملح وفلفل ورشه نعناع ناشيف مع عيش مفقع بقى و مخلل وكدا عظمة أوى . شوربة العدس : عدس اصفر و شعرية و جزر و بصل و طماطم و توم و بطاطس و ممكن نجيب عيش محمص كمان نعمله فتة عدس و معاها بصل فى مايه و خل او بصل اخضر و كدا يوم خلص.  مكرونة بالخضار : ودى بقى مش بتاخد وقت ولا مجهود مكرونة و طماطم و فلفل و بصل و معلقة صلصة و مكعب مرقة و شوية مايه و ياريت اللى يجربها يدعيلى . كشرى عدس اصفر : و هنا رز و عدس اصفر بس الفكرة فى التحابيش شوية بطاطس مع بيض مدحرج و فلفل و بتنجان و طماطم مخللة و شوية سلطة . بيتزا مشكل جبن : ودى هقولك المقادير بالتفصيل  ص...

 أول لما بنقول كلمة قهوة بيجي فى خيالنا صورة حد قاعد و معاه فنجان قهوة قدام شباك بيتفرج على المطر أو البحر و صوت أغنية للفنانة فيروز شغال حواليه ، حالة من للهدوء و الراحة النفسية الجميلة جدا . لكن حد فكر يشوف إيه محتوى فنجان القهوة اللى بيخلينا فى الحالة المزاجية دى او ليه بيعمل كدا ، تعالوا سوا نشوف إيه محتوى فنجان القهوة و إيه هى فوائد و أضرار القهوة .  محتويات القهوة  فيتامين ب 2 و ده بنسبة 11% من احتياجك اليومى  الماغنسيوم  البوتاسيوم حمض الفوليك الكافيين  فوائد القهوة    تعزيز اليقظة : الجلوكوز الموجود فى السكر و الكافيين الموجود في القهوة بيعملوا معا على تحفيز الجهاز العصبى المركزى مما يساعد على تحسين الإنتباه و زيادة التركيز . تزيد من ضغط الدم : لذلك ينصح الاطباء بتناولها فى حالة حدوث انخفاض في ضغط الدم ليعيد مستوى ضغط الدم لطبيعته .  تقوى النظام المناعى : عند شرب القهوة بالحد الآمن و بالطريقة الصحية فإنه يقلل من نسبة الإصابة بمرض السكر و يحمى من مرض الشلل الرعاش و الزهايمر .  مفيد للكبد : يقوم بتقليل نسبة الإصابة بسرطان الكبد و...

  أول حاجة جاوب على السؤال ده  ماذا فعل الله لك لكى تتجنب التواصل معه ؟ انت لو مديرك فى الشغل بينادى عليك هتقوم جرى و تسيب كل حاجة و تروح لغاية عنده تكلمه و تشوف طلباته مابالك برب العباد و لله المثل الأعلى عز و جل ، بينادى عليك مش علشان هو محتاجك لا علشان انت اللى محتاجه علشان تروح تقف بين ايديه تطلب كل شئ تتمناه و تحكيله كل همومك و مشاكلك يبقى ليه تتأخر عليه . تانى حاجة انت عارف ان الصلاة بتجمع كل أركان الإسلام ؟ الشهاده : ودى بنقولها فى كل صلاة فى التحيات ( أشهد أن لا إله إلا الله و أشهد أن محمد رسول الله ) . الذكاة : بنذكى عن طريق الوقت ، الوقت أغلى قيمه من المال فانت بتتصدق و بتاخد جزء من وقتك علشان تقوم تصلى .  الصيام : هنا مش بنتكلم عن الصيام العادى عن الأكل والشرب بس لا احنا هنا بنتكلم عن صيام أعلى وهو الصيام عن كل شئ الأكل والشرب و الكلام و الشغل الصيام عن كل شئ للقاء الرحمن .  الحج : احنا اصلا بنصلى فى اتجاه القبله (الكعبه ) خطوات معنوية للحفاظ على الصلاة  التوبة و النية للحفاظ على الصلاة : تقول يا رب العالمين انت توبت ليك و عايز انتظم فى الصلاة و مش هس...

 بذور الكتان ليها منافع كتيره جدا سواء استخدام للشعر او للتخسيس او حاجات تانيه كتير زى  بيعالج الامساك  بيقلل من فرص حدوث جلطات دموية  يقلل خطر الاصابة بتصلب الشرايين  يقلل مستوى السكر فى الدم          لكن هنا هنتكلم على فوائد بذر الكتان للشعر ، بذر الكتان بيحتوى على فيتامينات و معادن و بروتينات كتيرة جدا الشعر بيحتاجها و أهمهم (فيتامين a ، فيتامين B ، أوميجا 3 ) فوائد بذر  للشعر   بيعمل على ترميم الشعر  بيقوى  الشعراية نفسها  بيحافظ على الشعر و يمنعه من التقصف بيلمع الشعر و يخليه ناعم بطريقة ملحوظة من اول استخدام  طريقة عمل جيل بذر الكتان        هنجيب معلقتين من بذر الكتان و نغسلهم كويس علشان الاتربه الناتجة عن سوء التخزين  فى حلة صغيرة هنحط كوبايه مايه و نحط معاها معلقتين بذر الكتان و نحطهم على النار  هنسيبهم على النار لمدة ما بين 10 دقايق الى ربع ساعة تقريبا  بعدها هنشيلهم و نصفيهم فى طبق بمصفى صغيرة كويس جدا   هنجيب علبة نضيفة و ناشفة و نحط فيها الجيل و ن...

 فى اول الكلام ربنا يقوم كل ام بالسلامة هى و مولودها و ربنا يرزق كل مشتاق و يقر عين كل اتنين نفسهم فى بيبي يفرحهم  لازم واحنا بنبتدى التجهيزات ليوم الولاده ناخد بالنا كويس من درجة حرارة الجو علشان متجيبيش هدوم تقيلة والجو حر او تجيبى هدوم خفيفة و الجو برد او هوا علشان البيبي ميتعبش هدوم البيبي  هنتكلم عن الولادة فى فصل الصيف و انتى تبتدى تتقلى الملابس على حسب الجو يعنى لو فى الصيف هتاخدى كوفيرتا فى الشتا هتاخدى كوفيرتا و بطانيه   لازم الهدوم تتغسل بالمايه قبل ما البيبي يلبسها لانه بيبقى حساس جدا و ممكن الهدوم دى يبقى عليها تراب او اى حاجة بسبب المحلات لازم ناخد بالنا من خامة الهدوم و تبقى ناعمه و قطنية على بشرة الطفل و ميدخلهاش بولستر ناخد بالنا ميبقاش فيها اكسسوارات او حاجات صغيرة ممكن تتقطع و البيبي يبلعها  ميبقاش فيها برونز (جليتر) علشان ممكن تعمل حساسية للبيبي     ايه الهدوم اللى هتتجاب ؟ فنلة قطن كت  السلوبت او الطقم الخارجى  طقية للراس  شراب  جوانتى علشان ميخربش نفسه  كوفيرتا خفيفة        ...