بذر الكتان و استخدامه للشعر

 بذور الكتان ليها منافع كتيره جدا سواء استخدام للشعر او للتخسيس او حاجات تانيه كتير زى 

1. بيعالج الامساك 
2. بيقلل من فرص حدوث جلطات دموية 
3. يقلل خطر الاصابة بتصلب الشرايين 
4. يقلل مستوى السكر فى الدم         

لكن هنا هنتكلم على فوائد بذر الكتان للشعر ، بذر الكتان بيحتوى على فيتامينات و معادن و بروتينات كتيرة جدا الشعر بيحتاجها و أهمهم (فيتامين a ، فيتامين B ، أوميجا 3 )

فوائد بذر  للشعر 

1. بيعمل على ترميم الشعر 
2. بيقوى  الشعراية نفسها 
3. بيحافظ على الشعر و يمنعه من التقصف
4. بيلمع الشعر و يخليه ناعم بطريقة ملحوظة من اول استخدام 

طريقة عمل جيل بذر الكتان  

1.      هنجيب معلقتين من بذر الكتان و نغسلهم كويس علشان الاتربه الناتجة عن سوء التخزين 
2. فى حلة صغيرة هنحط كوبايه مايه و نحط معاها معلقتين بذر الكتان و نحطهم على النار 
3. هنسيبهم على النار لمدة ما بين 10 دقايق الى ربع ساعة تقريبا 
4. بعدها هنشيلهم و نصفيهم فى طبق بمصفى صغيرة كويس جدا  
5. هنجيب علبة نضيفة و ناشفة و نحط فيها الجيل و نحطه فى التلاجة وكدا بقى جاهز للاستخدام 

اكتر أسئلة شائعة  

• ايه هى المده اللى نقدر نحتفظ فيها بالجيل ؟

ممكن يقعد اسبوعين بس لو لونه او ريحتوا اتغيروا يبقى كدا خلاص باظ ولازم نعمل واحد جديد .

• جيل بذر الكتان بيتحط على فروة الراس ؟

لا علشان ميعملش قشرة هو بيتحط على الشعر بس. 

• هو الجيل ينفع للبنات كمان ولا للولاد بس ؟

طبعا ينفع للبنات لانه حاجة طبيعيه 100% مش زى الجيل اللى بيتباع .

• هو جيل بذر الكتان بيوقع الشعر ؟

ممكن يوقع الشعر لو تم استخدامه بطريقه غلط .

• ينفع نضيف زيوت على جيل بذر الكتان ؟

أكيد ممكن نضيف أنواع كتير من الزيوت زى زيت الزيتون و زيت الجرجير و زيت الريحان و زيت جوز الهند .